Zou Lailam Saipawl khu Zou tate lah a Zolai suhhatna ding leh khantouna ding a pan la pawl ahi uhi. Zou khu India Kumpi in Nam khat a, a theipi khat ahi (vide Government of India, MHA Notification No. SRO 2477A, Dated 29/10/1956; S. C. & S. T. list (Modification) Order, 1956, Manipur. Amaute khu atangi in Churachandpur leh Chandel Districts, Manipur sung leh Myanmar gamsung a teng ahi ua Tibeto-Burman groups kammal zangte ahi uhi. Zou Lailam Saipawl khu kum 1956 ana kiphutkhie ahia, hinanleh kum tamtah matal theilou in ana um hi. Kum 1991 apat hoitah a kipuo leh nna sem thei in Manipur Kumpi in Pawl I apat V tan tawi thei ding phalna pie in Zolai patna bu sutkhiet ahing hita hi (Vide Order No. 4/35/86-ED dated 19th September, 1991). Tuachiin Zolai Patna khu Mission Sanginn te ah tawi ahita hi.
Zou Lailam Saipawl Sepkhiet khenkhatte:
1. Manipur Kumpi Lailam Saipawl in Zou lai khu Manipur sung a Sanginnte a Pawl I apat V tan tawi thei ding in phalna 1991 in ana pie hi (Order No. 4/35/86-ED Dated 19th September 1991).
2. Zou Lailam Saipawl khu Society Act ah 1993 in khumlut ana hita (Regn. No. 504 of 1993).
3. Manipur Kumpi LailawmSaipawl (BSEM) in kum 2000 in Zou lai Modern Indian Language (MIL) mark 100 puo 2001 apat Pawl IX ten a sim pat thei ding uh phalna hing pie ua, tam khu a laibu ZLS leh BSEM in kithuo a a bawlkhawm uh ahi.
Tam sepsuona in BSEM te etkaina nuoi ah leh kithuzahtuo zing in 2001 – 2002 a tawi thei ding in Laibu sutkhiet kia ahi.
4. 2001 kum in BSEM in ZLS sutkhiet anuoin a laibute Pawl X ah Mark 100 ding leh 2002-2003 a zahpat dingin a hinphalsah uhi:
I. Chinthu Zaila (Zou Literature & Reader for Class IX)
II. Zoulai Kuona (Zou Course Book IX)
III. Zou ham zahdan (Zou grammar and Composition) for class IX & X
Tam Zolaite khu BSEM in peidan tha ding achi dan ua kibawl ahia, Pu S. Nabachandra Sigh, Secretary BSEM in “Tam Laibute khu peidan tha a ding a a masan ahi” achi hi.
CLASS XI and XII
5. Kum 2006 in Pawl XI leh XII enkai pawl Council of Higher Secondary Education, Manipur (COHSEM) I Zolai Pawl XI leh XII a tawi thei ding in phal ahing pie hi (Order No. 3/60/2004 HCS dated 9th June 2006.
