1. MANGPA LAM JUON VA UI SANGGAM AW
1.Tamsimlei loubang tulsa nua a,
Vabang lengin ngabang lamlam nanlei,
Ihinna van vandaitui bang giap hi a,
Tomkal sung khaaltui bang kang tading aw.
Mangpa lam juon va ui sanggam aw
Nunnop semguo tumin mangpa phatvai,
Kumton sana khopi tuolnuoma,
Tuong itun theinadin mangpa juonvai.
2. Ahingitna loupi nalomlome,
Kumton gou luodingin chii bang hingteel,
Sandup bang a san au ikhelnate,
Mangpan a sawpsiengta asisanin
3.Juu leh vaa ten mangpa phatna laa sa,
Neh leh taah ding lungkham sese louin,
A siempan amaute gilkiel sahlou,
Amaute sang eite hingit johi.
4.kumton suongpi mangjesu aneiten,
Simlei lungkham tuongnuasie tadinguh,
Kumton kumton hinna aneidinguh,
Zawna zailaa asaa tading uhi.
-----------
2. KAJUO SAU LIIM
1. Aw tung thangvan kajuosaulim,
Van mipi simsenglou te,
Zailaa oina gingtute kinepna mun,
Tunkal haibang nga lange.
"Aw Mangpa nagam mubang ngaiing
Tuong hing tungnuom ing
He hing nemin aw Mangpa "
2. Aw simleiah lungmuonna umlou,
Lungdon lungjiin na leh
Gentheinaten maituo din hing ngah jinguh
Pel thei ding lah hilou.
3. Awsimleiah mangpa tellouin,
Nopna akimtheilou,
Pilna siemna kidim lei lunmangten jong
Lungmuonna anei tuomlou.
4. Aw nopna tuol tuong katun chieng,
Peimasa iguolngaite leh hundampan,
Banjalin ei sangvanin
Nopna bukim denn ta ding.
----------------
3. SINGLAMTE TUNG PAN
1. Mangpa pasienin leitung mihingte,
A itseng seng manin atapa tang neisun ahingpie hi,
Leitung miten kumton hinna anei theinading un,
Singlam te tung pan ahingtanta.
Na saluonge, Nasaluong
Kamangpan na hingthuona
Leitung mikhielte tan dia jonglo lomlou,
Ka Mangpan na hing thuoh Kadamna hinanlejong,
Gelngam singe Mangpa ka dinga na thuohna.
2. Siel leh bawng le belamte sisanin kithoi nan lei,
Kumton gam tunnadin achinglou e,
Kumton kumton a michin namchin teng dia jong kiching,
Mangpa sisan tuibang ahingluongta.
3. I Mangpan lugu mun lam ajawt laiin,
Singlamte pokomin ling lukhu akhu sahuh,
A nah a Sisan leh tui hingluongte'n ikhielnate,
Silpuon bang asawp siengta.
---------------
4. SIMLEI KA KHUOLZINNA GAM
1. Simlei kakhuol jinna gampan,
Lungmuongmon nagam galdot jinging,
Utman vanga tunthei hilou,
Tunkal ngahla teisam inge
" Aw hingumpin mangpa,
Aw hing hamuon jingin,
Hing galthuomin aw mang Jesu,
Simlei dougal kajo masangsien
2. Simlei mihiem hibouinge
Vantung mibang eigel suo,
Simlei dougal palbang nangdin,
Hatna bangma neijou singe
3.Mangpa nasieng katunchiengin,
Lungkham dana um talouding,
Tunnu anga senlai naubang
Nuichim louin lungmuong tavang.
-----------
